الجزء الثاني

ارتفعت التكبيراات معلنه حلول عيد الاضحى المباارك ... كان نفسهاا تروح صلااة المشهد "العيد " لكن وين ترووح وامهاا من بيتم معااهاا مره كبيره مااتقدر تتركهاا لحالهاا
شاادن وهي تلبس جزمتهاا " والجميع بكرامه " : مامااا بسلعه "بسرعه "
سراب تضحك : انتي ليه مطيووره
شادن: العيد بيلووح
سرااب : يرووح ... وين بيرووح سياره هوو
شاادن وهي ترقض جهتهاا وتبسط ع الارض قدام التسريحه : مسطي شعلي " مشطي شعري "
سرااب وهي تمرر المشط بشعر شادن الطويل الناعم : حاضر عمتي
شادن وهي تلف : بس انتي ماااماا
سرااب : خخخخ
سمعت طقه مميزه هذي طقت فرح وهي تدخل : كل سنه وانتي طيبه ياااحلى عمه وباستهاا على خدهاا
سراب وهي تحظنهاا : وانتي بصحه وسلااامه يااافرح قلبي
فرح وهي تقرص خذ شاادن : عيد مبارك ياام لسااان
شاادن : ااااااااااااي ماماا سوووفي
سرااب : تكفوون ريحوني اليووم بس
فرح : عمه بتروحين الصلاااه ؟!
سراب : لا ياقلبي بقعد مع امي انتو رووحو وانتبهوو لبنتي
فرح : ولا يهمك ان ماضيعنااهاا لك اقصد بننتبه عليهاا
سرااب : احسب بعد
فرح : شاادن رووحي شووفي راااكان انا بروح البس عبااتي ياللا بسرعه قوومي
شادن : تيب

سرااب راحت للمطبخ تجهز المدخن ... فرح تلبس عبااتهاا وشاادن عند راكان
شادن : لاااااكاااااااااااااااان بسلعه
راكان وهو يعدل شماغه : بس خرمتي اذني
شادن لاويه بوزها : وبعدين ياااحي ترى بنتأحل وبعدين بيلووح
راكان : منوو ؟!
شادن : العيد بيلووح .. ومابنشووفه
راكان وهوو يشيلهاا : خخ تعالي يالله بنلحقه
شاادن : تيب اجلي " اجري "
راكان : ايه اجري وكشختي تخرب.... ونزلهاا ... اجري انتي ...نزلت شاادن من غير لاتسويله سالفه جري ع الدرج
رااكان نزل وسمع صوت من المطبخ شااف ..سرااب وهي تعدل المدخن ..قرب منهااا وباس رااسهاا : كل عام وانتي بخير ياتاج راسي
ابتسمت وهي تلتفت له : وانت بخير يااسندي
راكان : يمه لااتزعلين علي انا مااكان قصدي
قاطعته : راكان اناا الي مفروض اعتذر منك كنت مضايقه وجات على رااسك
راكان : يمه وش ذا الكلاام ... انا كلي لك لو تنفجرين فيني كل يووم ولا يهمك
سرااب وهي تبخره : الله يخليك لي
فرح متخصره عند الباااب : امووت واعرف وش ذا الحب الي بينكم ... ياخي ماايصير خل لنا شوي من دعواتهااا
رااكان : وليه الحسد ؟!
فرح : اقول امش امش بس ...كاااشخلي تقول راايح عرس مو الصلااه
راكان : سنه يااابقره سنه
سراب ترفع ايدها للسماا : عسااني ابخرك بيوم عرسك قول اميين
فرح : اميين بس عشان اشوف من الي بتبتلش فيك
سراب : الا امهااا داعيه لها بليلة القدر او تحت بااب الكعبه
فرح : ربي ربي ابي بس نص هالحب
سرااب : يالظالمه اللحين تشككين بحبي
فرح تقرب منهاا وتدقها بكتفهاا : احيان ايه
سراب تخبطها : انقلعي اشووف لصلاة

××××××××××××××××

كانت جالسه هي واخوهاا ...بعد مارجع من صلااة العيد
مها وتعطية القهوة : سم
الصقر: سم الله عدوك .. وين نوال
مها : نوال بحجرتهاا مارضت تنزل
الصقر: ليش ؟!
مهاا : تخاف تضاايق
صقر: مها اطلعي نااديهاا قوليلهاا صقر يقول تنزلي
مها : صقر لو بتضايقهاا ماله داعي تنزل
صقر: مهااا ناديها لو سمحتي
طلعت مهاا تنااديهااا ...

وللحديث بقية ....
ماكل من يضحك مع الناس مبسوط
بعض العرب يضحك وهمهـ يجاريـه !!
ولا كل حزن بـ دمع الأعيان مشروط
بعض العرب يخفي دموعهـ وما فيـه !!
وأنا أخذت مع العنا والتعب شوط
الين بان اللي عن النـاس مخفيـه !!!!




× نــــــــــــوال ×
بعد ماصليت الفجر .. خذيت لي دش داافي كنت حااسه بجسمي مهلووك وتعباان ..ومافي غير المويا الدافيه الي تريحني .. لبست لي جلاابيه كشخه باللون الابيض ومزينه بالذهبي ..مشطت شعري الطويل نوعاا ماا وخليته مفرووود ..حددت عيني زيين باللون الاسوود وحطيت جلوس ناااعم ... كنت اسم خطبت العيد لان المسجد مره قريب ..تمنيت لو رحت الصلاه ..لي سنتين مااروح صلاة العيد من بعد الي صار ..اول كان الصقر هو بنفسه الي ياااخذني وبعد مانصلي نروح انا ويااه لحالناا نتمشى بالبحر ندوور كرنيش جدة كله ويعزمني ع ايسكريم وذره وبالليل يااخذني لاحلى مطاعم جدة بس اناا وياااه
كانت مها تغار مني وتقوله : حشى لو هي حرمتك مااادلعتهاا زي كذاا ..... كاان يضحك عليهاا ويضمني عشان يعاندهاا ويقوولهاا : خل مرتي تذلف محد يسوى نواال بنتي حبيبتي
ابتسمت واناا اتذكر عباارته بنتي حبيبتي ..واللحين ماعاد يطيق لي الكلمه ..رحت جهت الدولااب فتحت وطلعت منه صندوق المجوهرااات حقي .. كان عباااره عن صندوق بطاابع كلاسيكي مزين بزخاارف مطعمه بالفضه
اهدتني ايااه امي الله يرحمهااا ..عشان احط فيه كل شي غالي عندي
فتحته كنت ابي انقي شي البسه ويتماشى مع الجلاابيه .. طاحت عيووني على بناجر "معاضد " كانت هديت الصقري لي يووم نجحت باول ثاانوي ..اتذكر يومتهاا قلت له : الناس تهدي خواتم سلاااسل مو بناجر يالبدوي
الصقر : هذا قلتيهاا بدووي
مهاا عاتبتني : اللحين بداال ماتقولين مشكور يااخوي عسى عمرك مدااايد تشرطيين
خالد اخوي قالي : الحمدالله ماجبت شي عشاان لاتتمصخري
طالعتهم بعتب وانا اتعلق بذرااع الصقر : مالكم دخل اناا وابووي نختلص صح
مارد علي ..يمكن لان كلمة يبا ضاايقته ؟!!
خالد ساعتهاا فطس ضحك علي : تستاهلين لقطي وجهك
طالعت صقر بعتب : عجبك ؟!!
الصقر ضمني : طنشيك منه هالغبي
خالد : وجهيييي
مها : تستاااهل ماسمعت بيالي داخل بين البصله وقشرتهاا
ضحكت من قلبي وانا اتذكر هالمواقف ... اتمنى ..اتمنى من قلبي لو ان الزمن يرجع ونرجع اناا واخوواني مع بعض بيت واااحد ..اسره وحده من غير مايفرلاقناا شي
خذيت البناجر ولبستهاا ..ولبست حلق نااعمه بالاضافه طبعا لدبلتي ...تعطرت من دهن العود الي عندي
وجلست ...كنت ناوية انزل لكن لو نزلت وش بيسوي اكيد بيطلع ويضايق من وجودي ..خليني جالسه هنا احسن لي ..نقلت بصري بغرفتي .... قمت ورتبت سريري وحاجاااتي .. شفت طاسه المويا الي جنب السرير
والكرسي تذكرت فهد ووجوده عندي اووف.. متى بس افتك منه ..يااارب خذني وارتاااح من اللي اناا فيه
سمعت دق ع الباااب وكانت مها : صبااح الورد
ابتسمت لها : صبااح الجوري
مها : اخس ماااقدر اناا ع الشياااكه والحلاوة هذي كلهاا ...
حمرت خدودي : تسلمي عيونك يااقلبي
مها وتحظني : كل سنه وانتي طيبه يااعمري
جاوبتها : وانتي بصحه وعافيه يااغلااي
مهاا : تعالي انزل تحت
سألتها بضيقه : والصقر؟!
مها : والي يقول ان هو الي يبيك تنزلين
طالعتها بشك : معقوول
مها : والله هو قالي قوليلهاا تنزل
سألتها : لحاله
مهاا : يعني
سالتها : شلوون ؟!
مها : اووف منك شوفي هو سألني عنك قلت له انك ماتبين تنزلين عشان لايضاايق قام قالي قوليهاا تنزل
نوال: اها يعني كذبتي عليه
مها : كذبه بيضاا ... واللحين لاتتفلسفين امشي بسرعه قداامي
نوال : بس
مها سحبتني : امشي




× ســـــــــــــــــــراب ×
بعد مادخنت البيت رحت اجهز القهوة .. حنا منستغنى عنها ببيتنااا وطبعا اليوم عيد احد يجي فشيله مايلقى قهوته جاااهزه ..بعد ماااخلصت القهوة اخذتها للصاله
طول الوقت امي طبعا متمدده بالصاله .. امي مره كبيره بالسن والروماتيزم عامل عماايله فيعاا ... لكن تبون الصدق امي صحيح مع كبرهاا وكل التجاعيد الي تملا وجهها ويديهاا الا انهاا لسى محتفظه بجماالهاا .. اذكر يوم كنت صغيره كنت اتفشخر فيها وبزينهاا خصوصا على منيره صديقتي الروح بروح اللي امها ماكانت تجي عند نص زيين امي ..لكن الشهادة لله كانت مره والنعم فيها الله يرحمهاا ..لما كانت امي تمرض او تلد تكون هي اول وحده تزورها وتقعد عند رااسهااا الين ماتطيب خصوصا ان احنا ناس مقطعووين من شجره زي مايقوولون امي وحيده اهلهااا وابوي نفس الشي
حطيت الصينيه ع الارض امي شاافتني وقاامت اعتدلت بجلستهاا .. قربت التمر جنبهااا وصبيت لهاا فنجان قهوة ..مديته لها : سمي
امي : سم الله عدووك
قلت لها وانا اشوف جلابيتهااا الي شريتها لهاا امس ..وش ذاا الزين كله ...انا مااقدر من بكره الا من اليوم بدور لك على عريس .. اقول يمه و ش راايك بعم فزاع ابو منيره شاايبن مزيووون بصراحه ونعرفه ونعرف اخلااقه ...بيحطك فووق رااسه
امي عطتني نظره ومن الفرصه جاتها من السماا : لاتتعبين نفسك عشااني ..زوجي نفسك بالاول
تنهدت وانا اتذكر سعود الله يرحمه : يمه اناا جربت حظي وخلاص
قالت لي بعتب : أي حظ ؟!! سراااب انتي توك صغيره ياابنتي ابي اشوف عياالك حوولي ابي اطمن عليك ببيت رجال يصونك ويحافظ عليك
قلت لهاا : يمه اناا عندي راكان وفرح وشااادن هذول عياالي
امي بغضب : راكااان وفرح عياال ماااجد عياااااال ماجد وشادن
قطع كلاامهاا دخوول شاادن جري : انا دييييييييييييييييييييت "جيت "
ارتمت بحظني وضميتهاا لصدري .. كلام امي بنسبه لي كان سكااكين ..اتزوج ؟!! وهالايتام لمن ؟! شاادن بنتي ؟! ايه بنتي ويين بترووح ؟!
فرح دخلت وسلمت على امي .. وجا من وراااهاا رااكااان
فرح الي جلست قبال امي : امووت ناا ع الزين وغمزت لهاا بعينهاا وانا اقوول شيبان الحاره مرتزين عند البااب اثرهم ينتظرون هالمزيوونه
امي اخذت عصاتهاا وحاولت تضربها بهاا لكن فرح تفادتها : خسك الله من بنيه
فرح وهي مستمره بمأذاة امي: علينااا احناا برضو ذي الحركات
هين راكان قرر يكمل على امي : تصدقين فرووح اليوم الشيبااان كانو يتميلحون عندي عقب الصلااة ..اثرهم طمعانيين فيك يااجميل
امي : بس انت وياها لاحيا ولا مستحى
ضحكت غصب علي وانا اشووف امي مستحيه ..بيني وبينكم ماتوقعت ان مره بسنها لسى تستحي
امي يوم شافت ضحكتي قالت لهم : زوجو هااذي مب انا .يالله حسن الختام
الويجه تقلبت ..راكان : عسى عمرك طويل يمه ..وعمتي لو جا من يستاااهلهاا ماارديناه
فرح : نعم ؟ استخفيت انت
امي : وليه استخف ... انتي بكره بتعرسين ورااكان نفس الشي وشادن بيجي اليوم الي
هني ماعدت اتحمل : بس خلاااص تراني مو لعبه عندكم .... انا عرس ماابي اعرس شكيت لكم انا ؟! خلووني انا كذااا مرتاااحه بحياااتي.... وقفت وانا شاايله شادن الي مستغربه من عصبيتي ... وبنيت محد بيااخذهاا مني يمه محد بيااااخذهاا
تركتهم ورحت غرفتي وخذيت شاادن معي



× الصــــــــقر×
كنت انتظر نزولهاا بفارغ الصبر .. ابي اكحل عيوني بشوفتهاا ..صدقوني اشتقت لعللل من امس بالليل ...نزلت مع مهاا اول ماشفتهاا فرحت بصررراحه يمكن حتى المعرس ماايفرح بعرووسه كثري
التقت نظراتي بنظرااتهااللحظة ... .ماغااب ابد عن عيووني ارتباااكهااا عيونهاا كانت تحااول تتهرب من نظرتي ..شفتها وهي تتمسك بذرااع مهااا ....معرف كم بقيناا سااكتين ...لكن الوضع طول وصار لازم ينكسر ..كنت منتظرها تجيني وتسلم علي لكن شكلهاا خاايفه مني ..حتى مهاا الي ماتسكت نزل عليهاا وقتهاا سلطان السكوت !!
قلت عشان اكسر الصمت : مافي عيدك مبارك ياصقر
جاوبتني وهي مكانها : عيدك من مبارك
قلت لهاا : من بعيد ؟!!! .. لها الدرجه اخووف ؟!
مهاا قالت : صقر علامك البنيه
قاطعتهاا : عندهاا لسااان يااامهااا ترد فيه
نوال اقتربت مني بخطوات متردده ومدت يدهاا : عيدك مبااارك
مديت يدي اصافحهاا ..اول مالامست ايدها ايدي حاولت بحركة سريعه اسحبها جهتي ... لكنها فاجأتني وصرخت بخووف
تراجعت على ورى بسرعه واناا منصدم : ماارح اسوي لك شي ..كنت بس بسلم عليك ..بضمك زي ماناا متعوود وبتمدين ايدك على جيبي وتاخذين العيديه الي تبين واشرت على جيب ثوبي العلوي الي حاط فيه مبلغ
كنت اشوفها واقفه بعيد ومتمسكه بمهاا عيوونهاا كان الدمع واقف على طرفهاا .. قررت انسحب
التفتت جهت البااب بطلع ومشيت بخطوات سريعه نوعا ماا .. مااحسيت بنفسي الا وانا افتح بااب الفله وصوتها يناديني : صــــــــــــــــــــــــــقــــــــــــــــري ..التفت لهاا
قالت لي : لا ... لاترووح ..وتركت دمعتهاا تنزل
فتحت لها ذرااعي ...جات وراتمت بحظني




× مــــــــــــــــهــــــــــــــــــا×
كنت مااسكه نفسي بصرااحه لاابكي ..شكلهم مره كان مؤثر ..نوال كانت تبكي بحرقه ..كانت مره مشتااقه له ...ولحضنه الدافي الحضن ايل عوضناا عن قسوة ابوونااا عليناا ..حضن يحسسك بالامااان والحماايه ..
قلت بلهجة فيها غيره وااضحه بصرااحه : يااعيني عليكم ولا روميو وجوليت
نوال قالت لي باسلووبهاا القديم : وش حاارق بصلك انتي
قلت لهاا واناا اسحبهاا من حضن صقر واحضنه بدالهاا : اخووي واغار عليه
نوال دفتني : واخوي اناا بعد
سألته بغيره : اعترف منو تحب اكثر ؟! بيني وبينكم اعرف انه يموووت على نوااال
لكن الصقر خيب ظني وماقال اسمهاا الا سحبني جهته وصرت اناا ونوال بحظنه : انتوو حيااة الصقر
ورن بهاللحظه موباايل الصقر




× فــــــــــــهد×
كلي شووق لشووفتهاا الصراحه ..مو قاادر اصبر اكثر ..يانااس تخيلو ماايفصلني عنها الا سوور
دقيت ع الصقر : مرحبا صقر
الصقر: هلاا فهيدااان
قلت له بعتب : فهيدان بعينك يالشاايب
ضحك : خخ اشوف طلع للبزران لساان
قلت له : بزر بعينك قول امين
الصقر : ناس يقوولون لك بعينك انت ان شاء الله
قلت له : قوول لمهاا ماايخصها خليها بعيج
قالي : ومن قال انهاا مهااا
انصدمت ..معقول نوال ؟!! الصقر يكلمها ؟!! : نوال؟!!
قالي : هي انت لاتجي باسم كريمتي ع لساانك
قلت له : مالت عليك ترااهاا حرمتي اذا انت نااسي
قالي : لا مو ناسي .. اخلص وش تبي متصل
قلت له : ابي اجي اعيد عليك
قالي وهو يضحك : خخ لا ياااباااباا ومنو الي كنت اصلي جنبه ؟! لايكون خيالك بس ؟!
قلت : اووف منك ياااخي ابي اعيد على حرمتي عندك ماانع
قالي : لادواااس
قلت له : اشوف الغزاله رااايقه مره
قالي: اللهم لاااحسد .. المهم اللحين بتجي ؟!
قلت له : اكييييييييييييييييد جهزو لي القهوة والشوكلااته لو سمحتوو
قالي : انيت جاي تبلع ولا تعيد
قلت له : افاا ياابن الذيب ماهقيتك بخيل
قالي: مو مصااحبك اكيد بكوون زيك
قلت له : اللحين حرمتي تسمعك وانت تهزئني
جاوبني : ايه نعم ومتشققه ضحك ع خبااالك
قلت له : مالت هذاا بدل ماتفزع لي
سمعت صووتهاا : مالت على وجهك قول اميين
هني عرفت ان الاسبيكر مفتووح : مالت عليك قفل السبيكر ياالعملاق الاخضر
سمعت صووت ضحكهم العاااالي ..قلت له : سايبني اخبص وانت تضحك
قالي : خلها تعرفك على هبلك
قلت له : انا جااي في اماان الله
قفلت منه وتنهدت .. تعرفني ؟! هي ليتها تتقبلني بالاول ياااصقر
طلعت من الحديقه .ورحت جهة بيت عمي



× ســــــــــــــــــراب×
دخلت غرفتي واناا ضااامه شاادن بحضني جلست عالسرير وصرت ابكي .. ابكي بقهر ...بحرقه
ليه النااس تجرحنااا وتتفن بجرحناا ..واحناا نقب اصابعنا العشر لهم شمع ..ليه ياايمه ليه ؟!
ليه يااارااكاان ؟! حرااام عليكم ..حراااااااااااام
ضميت شاادن بقوة اكبر ..محد بيااخذهاا مني محد بيحرمني منهااا مستحيل ..شادن تضاايقت : مااماا يعولني
تركتهاا ومسحت ع شعرهاا ..صاارت تمرر اصابعها الصغيره وتمسح دموعي : ماما ليه تبكي ؟!
قلت لها وانا امسح دمعتي : ولا شي يااقلبي ..روحي العبي
طلعت شادن من عندي ..قفلت البااب بالمفتاح علي ..ورحت جهت دولاابي
كاان عندي ظرف مخبيته بمكان محد يعرفه .. طلعت الظرف ..وبديت اقلب بمحتويااته
كل شي بالظرف كان يألمني ...شفت صورة ماجد اخووي مع ابووي كانت ماخوذه يوم تخرج ماجد من الجامعه
صور لطفوولتي ..شهادة وفاة ابووي ...ولادة شاادن ... صورته ..حبيبي سعوود
ضميت الصووره لصدري .. وانا احس كأني اضمه هووو .بكيت بحرقه ..عمري مااانسيته ..عمر طيفه ماغااب عن بااالي .. يزوورني بااحلااامي .. اسوولف معااه بخيااالي .. من يقوول انه ماااات من يقووول
هوو بحناااياا القلب .. بمجااري الدم ...ليه ياااسعود يبون يحرموني منك؟!! ... ليه ياااسعود يبون يلغون وجودك بحياااتي ؟! احد يسعود يلغي وجود الشمس ؟! احد يعيش بلياا هوى ؟!
سمعت صوت فرح وهي تناديني من ورى البااب : عمه سراااب ...عمه افتحي الله يخليك
قلت لهاا : فرح لو سمحتي ماابي اكلم احد
نادتني : عمه الله يخليك افتحي البااااب حرام عليك ..وبدأ صوتهاا يرتجف بفعل البكاا
رحت وفتحت لها الباااب لاني اعرفها حساااسه وبتسويلي مناحه مالها اول من تالي

بالله عليك ليش الصدود قلي
ماتعرف اني صرت اليوم مجنونك
طبعي الكبرياء لاني فوق متعلي
وانسى الكبر اذا شفت انا عيونك
بالحب اجازيك وتجازيني بالتغلي
والله اني اموت من دونك


×خـــــــــــــــالد×

بعد مااصليت العيد بالمصلى مع زملائي .... صارواا يسلموون علي منه يعاايدووني ومنه يودعوني ...يتمنوون لي التوفيق بحيااتي ..يدعون لي اني استقيم وماانحرف من جديد ....كثر مااكنت سعيد بتركي للمصحه وكثر ماكنت انتظر هالسااعه الا اني احس بضيقه كبيييره .... هالمصحه كااانت بيتي لمدة 6 اشهر ..ست اشهر قضيته بين جدراانهااا ..جدرااانهاا الي سمعت كل ماافي صدري ..الي حست بكل انه انيتهاااا ..حتى لاهي جمااد ..كنت احسهاا حضن امي الي يدفيني ...
جاني المشرف المسؤل عن حالتي : ها خالد مستعد ؟!
قلت له : مااكذب عليك ياابو مصعب ..اتمنى ماخطي هالبواابه ...وأشرت لبوابه المصح
ابو مصعب باابتساامته المعهووده : وش ذا الكلام يااخالد ..يااولدي انت الحمدالله تخطيت مشكلتك وتقدر تماارس حيااتك زي أي شااب بسنك ..وحط ايده ع كتفي ..ياوليدي اخرج وعيش حياااتك ..لاتسمح ابد لادمااانك يمنعك من انك تحقق ذااتك
قلت له بحسره : لقب مدمن رح يطااردني طوول عمري
هز رااسه بمعنى لااا : مدمن سااابق يااخالد ..انا نفسي كنت مدمن وشفني قداامك كملت حياااتي ..خالد ماافي انساان مايخطىء ..مو عيب انناا نخطأ العيب اننا نستمر بخطاناا وانت خطيت وتعلمت من خطااك صحيح ان بعد الاخطاء ثمنهاا غالي ..وبالاول والاخير نحن نحصد الي نزرعه ..والنااس يااوليدي لوو كنت كاامل الا ماتعيب عليك ... انت ركز بدرااستك واثبت نفسك واجبر الناااس تحترم خالد المولود الجديد موو الشاب الطايش الي خلاص مات وانتهى
قلت له : ان شااااء الله
ضمني لصدره وكأنه اب ...يضم واحد من عياااله...وقالي وهو يعطين يورقه فيها كل ارقامه : اتصل فيني بأي وقت تحتااج فيه لشي اتصل فيني ..وزي مااتفقناا روح للعنوان الي عطيناك ايااه ورح يوفرون لك شغل
خذيت ارقااامه: مشكوور مااتقصر
ودعته وطلعت من المصحه




×.... فــــــــــــــــــرح ....×

مااصدق ان راكان بكل ذا البرود..معقول يكون يقصد الي قاله ..عمتي سراب تتزوج ؟! ..تتركناا ...بعد كل هالسنيين اتيتم من جديد ؟!..رحت لغرفتها وفتحت لي بعد طلوع الرووح
سألتها ودموعي على خدي : عمه بتتركينا ؟!
ابتسمت لي : من يقوول ؟!
قلت لهاا : ماسمعتي راكان وجدتي وش يقولون ؟! عمه انتي جايك عريس ؟! عمه خلااص بتروحين ؟!..وصرت اشاهق
عمتي سراب ضمتني لصدرها : فرح وش ذا الكلام ترى كل الكلام الي من شوي مزح بمزح يااقلبي ..لاتكبرين السالفه
قلت لها : عمه لاتكذبين علي اكيد هذا ابو خالد اناا شفته وهو يكلم رااكان ماكانت سوووالف عيد ايه اهوو اخطبك صح ؟! تمسكت بثوبها تكفين يااعمه لا تقبلين انا مااقدر اعيش من غيرك ..لاتخليني لحالي لااتخليني
عمتي وهي ترفع راسي وقالت لي : انا مايفرقني عنكم الا المووت
قلت لهاا : عسى عمرك طويل ان شاء الله
عمتي ابتسمت وجلستني ع السرير وجلست جنبي ومسكت ايدي : فرح ياقلبي ابيك تتأكدين من شي واحد ..انا عقب سعود مستحيل اتزوج ..مستحيل يدخل أي رجل حياااتي وقلبي ...اصلا مارح يلقى مكااان فيه ..انتي وراكان وشادن وامي كل حيااتي كل اهتماامي وعاطفتي لكم لحالكم .. انا ان كااان لي امنيه بذي الحياه ماهي الا اني اشوفك انتي وشادن ملكات ببيوت رجاجيلكن واتمنى اشوف عيال رااكان حولي يتراكضون يتاهوشون وينادون علي ياايمه ..هذا كل الي اتمنااه ..ادري اني على قولت امي لسى صغيره لكن الصغير مصيره يكبر واعرف زين انها خايفه اكبر واصير وحدي
قلت لهاا باصراار : اناا عن نفسي ماارح اتركك ابد
ضحكت : خخ اللحين تقولي كذا .. لكن اول ماتشمين ريحة العريس بترمين هالكلام ورى ظهرك
قلت لهاا : ابداااااااا
قالت لي: بنشووف بكره يووم يجي ويعجبك سااعتهاا بيصير هو كل شي بحياااتك
قلت لهاا باعتراض : انتو بالاول وهو بالاخير
سألتني : وان خيرك بينا وبينه
قلت لها باصرار : لاارده الرحمن ..الرجل غيره رجل لكن الاهل مايتعوضون لو بكنوز الارض
ابتسمت برضى : كفوو يابنت ماجد
غمزت لها : اعجبك اناا ...
شفت صورة محطووطه بالجهة الثانيه من السرير صرت اقلبه فيها بفضول ..شفت عمتي تلم اورااق بمظروف ..اول مره اشوف هالمظروف وبصرااحه ماااعرف وش ذا الورق الي فيه ..لكن ماتدخلت وما سألت عن الاوراق شي مايخصني ... لكن اول ماشفت صورة العم سعود ببدلته العسكريه بين الصور الي كنت اقلب
فيهاا سألتهاا : تذكرتيه يااعمه ؟!
قالت لي وهي تاخذ الصور وتناظرها بحالميه : انا مانسيته عشان اذكره
سألتهااا : بعد هالسنيين لسى مكااانته بقلب زي مااهي ؟!
ابتسمت لي وصارت تمرر ايدها ع الصوره كاانهاا تمرر ايدها على وجهه صدق : بكره يوم تعرسين وتحبين رجلك بتعرفين زين ان المره مستحيل تنسى من تحب ..صدقيني يافرح اني اتذكر كل شي يختص فيه ..اتذكر نبرت صوته... ريحة عطره ...تنسيفة عقااله ...ثورة غضبه كل صغيره وكبيره متعلقه فيه حتى احلااامه اتذكرهاا ياماا بنيناا قصوور وهدمناا ...لمحة دموعهاا تجمعت بعينهاا ...بصراحه قلبي تقطع عليهاا بصوتهاا نبرة حزن كفيلة انها تذبحك ...حاولت اغير المود واذكرها باشياء ممكن تفرحهاا سألتهاا : اعترفي ياعمه وشلون خليتيه يطب بغراامك عطيناا الخلطه السريه
عمتي : أي خلطه انتي وجهك ؟!
قلت لهاا وانا ادقها بكتفي : اعترفي يااسرااب بلاش شغل الاونطه داا ..ازااي وئع بغراامك سبلتي له "سلهمتي " برموش عنيك ولا سمعتيه اول مره تحب ياالبي واول يوم اتهنى
عمتي : وش ذا الهرج وين احناا
قلت لهاا بتوسل : عمه الله يخليك احكي لي حكاايتك مع العم سعوود
عمتي وهي تحط المظروف بالدولاب : مافيه حكااايه ولا رواايه حلي عني
قلت لهاا : عمه تكفين الله يخليك الله يسعد قلبك قوليلي شلون خطبك
عمتي : ابشرك لك مستقبل
سألتها بعبط : بشنوو ؟!
جاوبتني : بالشحاذه
فتحت عيوني : شنوووو ؟! عمه
عمتي : هههههههههههه
قلت لها : عمه ترى قلت تكفين وتكفى تهز رجال
جاوبتني وهي تلعب لي حواجبها : هذاك قلتيها رجال وانا مرررررررره
قلت وانا اتمسكن : اهون عليك تكسرين بخاطري باول يوم للعيد ؟! افا ماهقتيهاا
عمتي : تعرفين انك لبشه
ضحكت : هههههه اعرف واذا تبين تخلصين احكي الحكاايه بالطيب




× .... نـــــــــــــــوال .... ×

اووف هذا وش بيجيبه ؟! اللحين الصقر جالس لو امووت مااقدر اطلع واتركه غصب عني لازم انعدل معاااه ولا برقبتي ..مهاا قااامت تجيب شيلتهااا ...واناا طبعاا بمكاني
الصقر سألني : شلون يعاملك فهد ؟!
مسكين ياخوي اسأل شلون انا اعااامله : اووكي
الصقر وسألني : ينغزك بالكلاام ؟! يعاملك بجفا
قلت له : ابدااا
مهاا الي نازله ع الدرج : صقوور تبي حب ؟! "فصفص"
الصقر : حب اللحين ؟!
مهااا : ايه .. والله يااخوي تسليه حلوه
الصقر : مسخنه انتي
مهاا : خخ لااا بس صدقني وانت تشووف توم وجيري بتستمتع فيه
قلت بغيض : مهااا وبعدين
الصقر : وش الساالفه
قلت بسرعه قبل لااتسبقني مهاا : ولا شي اختك مخرفه
مهاا : انا الي مخرفه ولا انتي الي ماتبينه يعرف عن فضاايحك
الصقر سألني بلهجه جاده : وش سويتي ؟!!
انقذني دقت البااب بلحظه الاخير ...مهاا همست بأذني : محظووظه
قلت لهاا وانا اشووف صقر يسلم على فهد : شغلك بعدين يالعنز
الصقر لفهد: هلا بالنسيب
فهد : اهليين يالماارد
وقرب جهتنااا طبعاا اناا مد لي ايده .... مديت ايدي وانااا مقهووره... لوو ان الصقر مو موجود ماكان صاافحته ...الشكوى لله
الدب يستغل المووقف : عيدك مباارك يااعمري
عمري ؟! استخف هذاا اكيد ؟!! يااربي تمنيت الارض تنشق وتبلعني : وانت طيب
مها : احم احم نحن هناا
فهد ضحك : هههههههه اهلاا ابله مهاا كل سنه وانتي طيبه
مها : وانت طيب ..انا كم مره اقولك لاتقول ابله ؟! ياخي ترااهاا كلها شهرين
فهد : اكبرمنك بيووم اعلم عنك بسنه فما بالك بشهرين
مهاا : اخ منك
جلسنا كلنا بالصاله كنت مرتااحه نوعااا ماا لان الحديث كاان بين جميع الاطرااف واناا وفهد تجنبناا توجيه أي كلام لبعض عشان لاانقب الجلسه حريقه





× .... حـــــصــــــــه ....×

طلعت ادور على فهد بالحديقه لان الوالد يبيه يفتح المقلطااات للجيرااان ويستقبلهم لو جو يعااايدوون لكن مالقيته ..وين رااح توه من دقاايق كان هني ؟! اكيد رااح يشوف حبيبة القلب !! ...مسكين يااخوي تموت عليهاا وهي ولا هي هنااا ...دخلت بسرعه البيت من البااب الخلفي اول مااسمعت صوت سيااره دااخله ... كانت السيارة سياارة سعد اخووي ..عرفت انه اهوو لماا دخلت وشفته مرتز بالصاله ...تضاايقت بصرااحه يوم شفته ..صحيح انه اخووي لكن الي سواه مع مهاا ابد مااكان يرضي احد صحيح ان علاقتي مع مها ونوال زي الزفت لكن هذا ماايمنع ان اخوي غلط بحقهاا ولو كنت مكاانهاا كااان سويت زيهااا ..مديت يدي عليه وسلم من غير نفس الصرااحه : عيدك مباارك
سعد مد ايده : وعيدك مباارك
قلت له : امي بغرفتها بروح اناااديهاا ..الا وقفني
سألني : من وين جااايه
قلت له : من الحديقه
قالي : شلون تطلعين الحديقه بذا الشكل
قلت له : أي شكل ؟!!
قالي : مو شاايفه نفسك ...شعرك ذااا الطااير وذا المكياااج ..انا مو منبه عليك ماتطلعين الا بشيله
قلت له وانا احاول امسك اعصاابي : منو رح يجي ؟! الحديقه بالخلف محد يجي ذيك الجهه
قالي : انا قلتها كلمه وتنفذينها بلا نقااش
قلت له : والله ماني بحرمتك عشاان تتحكم فيني وطوول ماارااس ابوي يشم الهوا محد له كلمه علي
سعد بغيض ويرفع يده علي : انتي قليلة ادب ويبيلك تربيه
الا صووت ابوي يوقفه : انت وش تسوي ؟!
سعد نزل ايده : هلايباا
ابوي بنفاذ صبر: وش تسوي ببيتي ؟!!
سعد يقرب منه يبي يسلم على رااسه الا ابوي يمد ايده يمنعه يقرب: خلك مكااانك
سعد : يباا تكفى
امي نزلت ع اصوواتنا : سعد
سعد رااح يسلم على امي ..امي كانت مشتاقه له ومالومهااا اهي مهما كانت ام
امي لسعد : شلونك يمه عساك بخير
سعد ابتسم لها : بخير يمه الحمدالله انتي يمه شلوونك
ابوي : شفت امك ؟!
سعد :ايه
ابوي بحزم : عطنا مقفاااك
امي : نمر
ابوي : جاااااااااااادل
سعد : يباا اناا وش اسوي عشان ارضيك
ابوي : مو اناا الي لااازم ترضيه
ابوي كان يقصد بكلامه مهااا لكن سعد مافهم : اجل منو ؟!
ابو ي: المهااا
سعد بضيقك : يبااا اناا حاولت وهي عيت
ماحسيت بنفسي الا وانا اقوله : وهي عيت من قليل ؟! انت الي سويته يتسوى ؟! احمد الله ان الصقر مااذبحك
سعد : انكتمي
ابوي : وليه تسكتها ؟! اهي صاادقه بكلااامهاااا
سعد حس بالضيق استأذن وطلع ...امي كانت مضاايقه مره وابوي بعد ... سعد من يوم ماطلق المها وابوي غضبان عليه مانفعت كل اعتذاراته وواسطاات فهد بان المويا ترجع لمجاريهاا ..ابوي اعتبر الي سوواه سعيدان للمهاا ذنب لايغتفر ومااكتفى بطرده من البيت لاا حتى الشركه طرده منهااا
امي بعد ماطلع ابوي للمقلطاات الخارجيه : ارتحتي شبيتيها حريقه ؟!!
قلت لها : وانا شدخلني ؟!
امي : كله منك انتي كان لازم تسمعيه كلاامك الي زي السم ؟!
غريب امرها امي ؟! دوم بصف عيالها ..كأني مو بنتهااا: والله انا ماقلت الا الحق
امي: اذلفي من قدام وجهي اشووف
وقفت : تااامرين امر





×.... ســـــــــــــــراب....×

اضطريت تحت اصراار فرح اني احكي لهاا شلون انا وسعود تزوجنااا ... القصه مافيهاا شي اخجل منه لكنهاا تقلب علي الموااجع .. قلت لهاا : زي ماتعرفين ان سعود اخو منيره صديقتي ..انا وهو ومنيره تربيناا مع بعض بحكم تقاارب السن بينااا سعود كاان اكبر عني بسنتين بس ..كنا نلعب مع بعض ... ناكل مع بعض ..كل اوقااتنااا مع بعض ...اليوم الي ماااكنت اروح فيه بيتهم كانو هم يجوني .... وماكان يروح يلعب مع عياال الحااره لاا كله معااي اناا ومنيره وهذا كان يضاايق ابووه .... اذكر انه جا مره ولقى سعوود يلعب معانا بالعرايس مسكه وضربه وقاله ..خلك رجال واترك العرايس لنساا..هههه صاار سعود كل يوم بالعصر ينزل للشاارع ويلعب الين مايشوف ابوه يطلع ويرجع يلعب معااناا
فرح : اخس مب هيين الورع
ضحكت : ههههههه كنا نسوي كل شي ببرائه
سألتني : يعني هوو حبك من الطفوله ؟!! ولاا يعني امه اختارتك له
قلت لهاا : هو اختاااارني .. لمااكبرت وصرت اتحجب خلااص قلت زياراتي لهم حتى هو ماصاار يزورناا وان جاناا ماايتجاوز الحووش ...
سألتني : اجل كيف خطبك ؟!!!
قلت لها : ماتعرفين تصبرين ... ابتسمت وحمرت خدودي وانا اتذكر المووقف الي شاافني فيه ...بليلة رمضان كااان وقت السحور ...وكناا معزومين ع السحور عندهم ... كنت انا مع منيره بالمطبخ نسوي سلطه ..منيره امهااا ناادتها ورااحت لهااا ..وصرت انا بالمطبخ لحالي ..وماااشوفلك غير هذيك اليد الي تجي من وراي وتزغزغني صرخت صرخه من الرعب خصوصا انه كان على غفله وانا موتي واحد يحط ايده على جنوبي
كنت اسمع ضحكه كانت ضحكت رجال هني اناا تجمدت مكاااني ماني عاارفه ايش اسووي ...من رعبي
وسعود كان يسولف ويتريق وانااا ماااارديت عليه بكلمه ولماا مارديت ولا التفت له مسكني من كتوفي على باله اني منيره وقالي : منوووو ليش ساااكته بلا بيااخه مااصااارت واول ماشاافني بعد بسرعه وطلع بسرعه وهو يتعذر حتى انه انخبط بالباااب من غير لا ينتبه
فرح : ههههههههههههاي ....مسكين فجعتيه ...
خبطتها : مالت على وجهك هذا جزااات الي يقولك حكاايه...تصدقين انا نفسي اتفاجأت يوم ان سعود خطبني ؟!
سألتني : ليه ؟!
جاوبتهاا : انتي مو شفتي صوورته ؟! شفتي وساامته؟!
فرح بصراحه : قصدك انك اقل منه من ناحية الشكل موو ؟!
قلت لها بصراحه : ايه ..سعود الله يرحمهم كان وسييييم بمعنى الكلمه كانو صديقااتي كلهم يحسدووني عليه وينغزني البعض بالكلمات يوم دروو انه خطبني حتى وحده قالتها بوجهي مدري وش عااجبه فيك هو يطقك حلى بصرااحه
فرح بعصبيه : يخسون والله انك مزيوونه
قلت لها وانا ابتسم : انا اعرف اني مب مزيونه فرح ترى هذا شي ماايضاايقني ..فرح الجمال لاازم يكون ناابع من دااخل الانسااان وهذا شي ينعكس عليه ..ياماا نااس يكونون عادين لكن سبحان الله من تشوفيهم ترتاحين لهم وتحبينهم لان الله ينعم عليهم بقبوول بالضبط في نااس يكونون حلووين لكن هالجمال ينفرك منهم لان نفسيتهم الشينه تنعكس على شكله ..وصدقيني هذاا الي خلاني احب سعوود اخلاقه العاااليه ادب حناانه بالتعامل معااي وقوفه جنبي بعد مامااات ابوك وعقب موت ابوي الله يرحمهم جميع

فرح وهي تميل علي : ترى حتى هو والله محظوظ فيك انتي عندك قلب زي الذهب
ابتسمت ومسحت على رااسها : حبيبتي انتي
طق البااب علينا راااكااان : ادخل
فرح وهي تشووفه : نعم يااخ وش تبي انت ؟!
قالها وهو يرفع حااجبه : مو جايك انتي وجهك انا جااي للقمر هذااا
ضحكت : ههههههه اخ من لساانك الحلوو
قالي : ولا يهمك احط له ملح
فرح : ماايضحك
رااكان : محد وجه لك الكلام من الاساااس
فرح : اووف خلصناا بنرجع نكمل سووالفناا ترى مو فاضين لوجهك
رااكان : اووف منك ...عمه تكفين سكتي ذي البزر
فرح عصبت : بزر بعينك
قلت له : حبيبي وش تبي
راكاان ابتسم لي: يااناااس امووت ع الرقه والنعووومه انااا " وكمل يتمصخر ع فرح " وش تبي انت
فرح : اوووف وبعدين
راكان سفهاا : اقوول يااابعد عمر راااكان اناا بطلع اقاابل الشباااب
فرح نطت : وين بترووحوون
راكان : وانتي وش دخلك ؟!
فرح وهي توقف وتقرب منه : ركووون اقول وين بتطلعوون من صبح رب العباااد لايكون رااحين لكم مكان تعاكسوون ؟! ايه اليوم فرصتكم البنااات كااشخااات ومتعدلاات حتى البوصه "الخسفه " بتكون عرووسه
راكان بلوم : اللحين اناا رااعي حركاات ؟! مالت عليك بس ...
سالته : وين بتروحون يمه ؟1
راكان : بمر على رااشد وتركي وبنروح نطمن على مطلق من يوم ماكسر رجله ماشفناااه وعقبهاا بنروح للمحل الي بتنشتغل فيه
فرح : اليوم ؟1 تو النااس عيد
راكان : ترااه عيد الاضحى مو الفطر من متى الناس بجده يحتفلون فيه
قلت :صاادق والله هذي من السنن الي هجرنااهاا
رااكان : ع العموم اناا يمكن اتأخر لاتنشغلوون علي توصون على شي
ردينا : سلااامتك







× ..... فـــــهـــــد .....×

كانت جلستناا تدور عن موواضيع عاامه تجنبت اني اوجه الكلام اغلب الاوقاات لنوال خفت تقولي تعليق بااايخ او تحرجني قدام مهاا وصقر قلت ياااولد احفظ ما وجهك وخلك على بر الاماااان
شوي الا ان مهااا تستأذن : عن اذنكم
قلت لهاا : وين ؟!
جاوبتني : عندي موضوع ابي الصقر فيه
الصقر : أي مووضووع
مهاا قاالت له : انت قووم وبتعرف شي
الصقر : خليه بعدين
مهاا وهي تأشر له بعينهاا : ما يتأجل قووم
الصقر : اخ من مواضيعك الي ماتخلص
طبعا حركت مهاا كانت مكشووفه لكن الصقر لاازم يتمنذل علي شووي ..صرنااا اناااا ونوال لحاالنااا
وكنا جالسين اناا وياااهااا متقاابلييين .. استغليت غيااب الصقر ورفعت عيني بكل ثقه وصرت اتأمل شكلهاا كاانت روووعه بشكلهاا الناااعم وشعرهاا الاملس عيونهاا الصغيره المزينه بالكحل كااان نفسي امد ايدي واتلمس وجهها البريء وامرر اصااابعي بين خصل شعرهااا لكن لو سويتهاا بمووتي ماااتتردد نوال
انتبهت لي : ليه تنااظر كذاا ؟!
قلت لهاا : حرااام ؟! عيب ؟!
ماااردت علي ..لكنها تأففت ..
سألتهاا : لهالدرجه جلووسك معااي مضاايقك ؟!
قالت لي وهي تطالع فيني بنظره تذكرني بنظرات الصقر الحاده : انت عله على قلبي
قلت لهاا : لسااانك طووويل
جاوبتني : وش راايك اجيب مقص تقصه
قلت لهاا ببروود : خليه لعقب العرس احسن
لوت لي بووزهااا .. قلت لهاا : قوومي جيبي لي كااسه موويااا
فتحت عيونها : نعم ؟!! لااكون شغالتك ؟!
قلت لهاا : زوووووووووووجتي وطاااعتي وخدمتي وااجبه
قالت لي وهي توقف : بنت الذيب مب خداامه لحد يااولد النمر
قلت لهاا : محد قال انك خداامه ؟! الا لو تبين تكونين كذاا ترى ماعندي ماانع توفرين فلوس الفيزاا
نوال عصبت : انت ..انت وماعرفت تكمل
قلت لهاا واناا ارفع حاجبي باستهزاء : اناا وشوو ؟!
نوووال انقهرت ...: ماااااااااالت وطلعت لغرفتهاا ...اما اناا فطست ضحك عليها

وش تتوقعون يصير مع نوال وفهد ؟!
راكان وش ذا الشغل الجديد الي عنده ؟!
الصقر ونوال هل رح تكمل علاقتهم زينه او انه هدوء ماقبل العواصف
سعد ومهاا ...هل انتهى كل شي فعلا ؟! وياترى وش الذنب الي اذنبه سعد واستاهل كل ذا الكره عليه ؟!!

حصه وش دورهاا ؟!